DAMU-i Longthonge yimdak Farmers Awareness sentong katsüogo

Dimapur, Rongjui/September 26, 2019 (TYO): Kipheri kübok Longthonger yimdak September 25, 2019 Bodbarnü Agro Advisory services nung District Agromet Unit (DAMU), KVK, Kiphire-i anogo ka Farmers’ Awareness sentong ayongzükja liasü.
Sentong nung Temjemna Jamir, SMS (Agro Meteorology)-i jembiba mapang, IMD (India Meteorological Department)-i Agro Met Stations amenoktsüba ajanga aluyimer dang tsüngsang mopung osang metetdaktsüba indang onük nung ajemdaker tatsü agi rasa ashi.
Agro Met Stations ajanga products talisa land surface water index, land surface temperature, leaf area index adokdaktsütsü, koba aluyimertem dang agricultural services osang talisa irrigation aaser fertilizer application tem mobile nung short message services (SMS) ajanga metetdaktsütsü. Anungji, pei phone no. register süa ayutsü atema aluyimertem dang metetdakja liasü.