Assam nung mezüngbuba Amur Festival amongtsü

Diphu, September 27 (Agencies): October 25-16, 2019 tashi Karbi Student’s Association (KSA)-i NGO pezü den yaritepa mezüngbuba Amur festival ayonga amongtsü.
Iba benjong ya Assam-Meghalaya arrtsü anasa aliba Umrukhuti nung amongtsü.
“Amur benjong ya ‘Amur Falcon’ aruba tenüng nung amongtsü” ta KSA President Alom Rongpi-ashi.
“Nisung aikati Karbi Anglong memetet aser iba jagi tobur tajung West Karbi Anglong tali metetdaktsütsü atema iba benjong amongtsü” ta paisa ashi.
State aser Centre sorkartemi Karbi Anglong nung süngdong-lidong aser shirurutem kümzüka ayutsü angatetdaktsütsü atema iba benjong amongtsü, ta Rongpi-isa metetdaktsü.
Amur Festival Organizing Committee indang General Secretary Mirjeng Kro-ia ashiba agi “iba benjong ya süngdong-lidong aser shirurutem nüngdakba angatettsü aser wazüka ayutsü tangatetba agütsütsü atema lir.”
‘Amur Falcon’ ya Assam-Meghalaya arrtsü anasa West Karbi Anglong kübok Umrukhuti nung ita (October-November) ka shi amonger, ta Kro-i ashi.
Iba benjongmong nung awareness campaigns, wildlife films, trekking, cross country ride, photography contest, bird watching, cultural events, arts and craft exhibition of indigenous tribes, ethnic foods, camping aser tanga sentongtem agitsü, ta paisa metetdaktsü.