Assam sorkar aser Instagram na longjemogo

Guwahati, September 30 (Agencies): Alima tesem balala nung tourism ajungkettsü nükjidong nung Assam sorkari Photo aser video-sharing social networking platform – Instagram den longjemogo.
Hashtag #AwesomeAssam ya September 28 nü sayaogo aser Assam nung tourism tsütsü lenmang sadema lapoka aliba tesemtem indang noksatem Instagram nung post süogo.
Kasa mapang nung iba social media platform tajungtiba nung amshitsü atema sendaktepa alirtem asoshi Guwahati nung workshop ka ayongzüka agiogo.
Iba sentong nung Tour operators, hotel lapoka alirtem, homestay kiburtem aser tangartem dena liasü.
Assam Tourism Development Corporation mendenbuba Jayanta Malla Baruah-i ashiba agi, “onok product tem sayutsü atema digital platform nung tetsüng ajemokogo kechiyong iba lokti ya ano lanu aser tang-ang tendangba mapang ka lir.”
Temetettsü kaji Assam government-i ‘Awesome Assam’ campaign ya 2017 küm tenzük aser tourism ambassador asütsü asoshi Priyanka Chopra shima liasü. Taoba küm asem tsüngda tourism campaign indang jembiba mapang ATDC mendenbubai ashiba agi, sorkari alima ajunga nungi raliwalirtem atsüa arutsü atema osang prokshiba inyakyim nung sen aika intokogo.
Instagram, public policy & community outreach manager Tara Bedi, shiba iba sentong nung dena liasü, lai ATDC den longjemba atema pelaba lemsatepogo.
Maneni Assam Chief Minister Sarbananda Sonowal-ia state nung tourism ajungkettsü atema monsoon tourism terenlok asoshi inyaktsü aser homestay tem ajungkettsüba ayongzük.
Digital tools, infrastructure terenlok aser brand ambassador anisema inyaksangshiba ajanga Assam-i raliwalirtem timba aru tenzükogo.