NSCN (U) lennir Khole Konyak-i tongti menden toktsür

Dimapur, September 18 (Agencies): National Socialist Council of Nagaland (Khole-Kitovi) telok lenir Khole Konyak-i pa arishi nung kanga tain akümba ajanga Naga nunger atema inyakba maparen nung tetsükdaktsü alur ta bilema pa anisüngzükogo, ta Hokolbar nü osang ka ajanga ashi.
NSCN (Khole-Kitovi) teloki Naga peace accord pusemba toktsüba sülen anogo ishika tsüngda iba telemtetba agiogo.
General Khole junga meteta alir kati ashiba agi, taoba mapang NSCN-Khaplang nung alisang Khole-i sodi meshiba shidi agütsüogo aser iba telok nung senior züngsemtemi iba shidiji agizüktsü atar.
“Khole Konyak-i sodi meshiba shidi agütsüogo. Tawa senden ka nung pai odi-odia pa anisüngzükner ta shiogo. Pa arishi küm ajanga pa pu-masemer. Shisatsü nung pa renema mali aser pai pa shi nung tashimait ta shiogo,” ta kasa osang ajanga IANS dang ashi.
NSCN (Khole-Kitovi) ya June 7, 2011 nü tentet.
Tawa NSCN (Kitovi-Khole) teloki August 3 nü NSCN (IM) aser Centre sorkar na tsüngda Naga peace accord pusemba toktsüogo aser Nagaland nung Naga nunger atema lenmang balaka bushitsü ta lemtetogo.
Kasa osang ajanga ashiba agi, Konyak-isa iba telok nung Tir tasen ka shimtsü benokogo.
“Konyak-i pai sodi meshiba shidi agizüktsü atadar aser pa shidi agizükli yongi anisüngzükner,” ta kasa osang ajanga ashi.