October 3 nü NPCC-i seminar den repsema senden ayonger

Kohima, October 01 (TYO): Mahatma Gandhi sor küm 150 ajungba benjungmong nüngtem nung October 3, 2019 nü anüngdang 11:00 ako nungi Congress Bhavan, Kohima nung Nagaland Pradesh Congress Committee (NPCC)-i seminar den senden ka repsema agitsü, ta Mongolbarnü Kohima District Congress Committee Press Secretary, Yangertemjen-i sangdong ka ajanga metetdaktsü.
Seminar nung Delhi nungi o jembir nüngtugu kati Gandhi tesayuba aser tangatetbatem indang jembitsü iba sülen senden ka mena taruba membership drive aser training programs atema jembitsü; iba dak sendakba nung Kohima District Congress Committee (KDCC)-i executive züngsem aser party nung inyakertem ajak dang iba sentong nung adentsü metetdaktsür, ta sangdong nung shia lir.
Iba dak alia tejangrar kaketshirtem, nija aser loktitem seminar nung adentsü jaoker, ta parnokisa metetdaktsüogo.