Oct 7 nungi Dimapur mokdangtsü

Dimapur, October 1 (TYO): Naga Council Dimapur kübok Public Action Committee (PAC)-i October 7 anepdang 6:00 ako nungi tenzüker mapang telatet makai Dimapur mokdangtsü ayongzükogo.
PAC-i District administration dang hopta ka tsüngda District Price Regulation Committee tenzükshitsü atema mapang latettsüba ama meinyakba atema iba sentong ayonger, ta PAC convenor Vekhosayi Nyekha-i ashi.
October 1, 2019 nü Naga Council Dimapur, Dimapur den sendaktepa aliba tentet aser shishilembar teloktem den kin 19 unit tem senden ka amendang iba telemtetba agi, ta paisa ashi.
Iba mokdang nung paramilitary services, district administration, police, media, tatidang agütsüba kaketshirtem, medical aser emergency services medendaktsütsü, ta Nyekha-isa shisem.
Transporter asem- M/s Freight Transport, Ankit Transport aser Shanghapur Transport-i Dimapur telungi khu abenba garitem noktangba anema October 1 nü PAC-isa East Police station nung FIR ka benokogo, ta PAC convener-isa ashi.
Municipal Affairs department-i Dimapur Municipal Council dang October 1, 2019 nungi toll tax sarutsü tetuyuba agütsüba atema tenüngsang agütsür, ta PAC-isa metetdaktsü.
Taoba mapang toll tax ya nija teloktem nem sarutsü temelaba agüja liasü.
State nung ozüng alema mapa inyakba azüoktsü atema Maharashtra Control of Organised Crime Act ama Nagaland nunga ozüng tesashi yanglutsü atema parnoki chief minister dangi shidi zülutsü, ta PAC-isa metetdaktsü.