GRP-i Bullet Bike 45 ngutet

Guwahati, Mongputeni/October 08, 2019 (Agencies): Guwahati Railway Station nung October 2, 2019 nü nungi tenzüka tang tashi nung Government Railway Police (GRP)-i Bullet motorcycle 45 ngutetta liasü, ta osang ajanga metetdaktsü.
Ketdangser osang ajanga ashiba agi, item bullet motorcycle ya Delhi nungi auyazüka train parcel ajanga Guwahati Railway Station-i bener aru.
Item motorcycle auyaba maparen dak sendakba nung GRP-i nisung 5 puogo. October 2, 2019 Bodbarnü police ketdangsertemi Guwahati Railway Station nung parcel office mita aoba mapang parnoki bullet motorcycle 13 ngutetta liasü, ta kasa sangdong ajanga metetdaktsü.