AR-i Tengnoupal nung sen cr. 1.23 alang mozü apu

Kohima, Mongputeni/October 08, 2019 (TYO): Assam Rifles-i October 5, 2019 Honibarnü Tengnoupal District, Manipur anasa Khudengthabi Check-Post lendanga ataba mapang parnoki sen cr. 1.23 alang Brown Sugar mozü pua liasü, ta PRO(Def) sangdong ajanga metetdaktsü.
Khudengthabi Check-Post paidoktsü mechi arem ajanga meima temesepba mozütem shibelenba osang tejangja ka angazükba nung ajemdaker Assam Rifles team-i iba check post lendanga ataba mapang parnoki temulung melemi bilemba nisung ana ajuru. Idangjisa, nisung anaji aremleni jena ao, ta kasa sangdong ajanga metetdakja liasü.
Iba sülen, AR team-i iba tesem mita ao aser parnoki yangkhu ka nung brown sugar tuozük gram 618 aliba nguteta liasü.
Iba maparen dak sendakba nung ano maneni bushisüngdangtsü atema Ar team-i ngutetba brown sugar ya Police Station Moreh nem bendanga agütsüogo, ta sangdong ajanga metetdaktsüogo.