Captain Phaningmi asüba atema GPRN-i mangyimer

Dimapur, Mongputeni/October 09 (TYO): Wung Tangkhul Region (WTR) kübok Phalee village nungi Security Task Force (STF) Battalion, Naga Army, Captain Phaningmi Awungshi (Naga Army No. 41466/08) mapang talangka shiranga arur October 8, 2019 nü anojungi asüba atema Government of the People’s Republic of Nagalim (GPRN)-i jashia mangyimer, ta MIP sangdong ka ajanga metetdaktsü.
2008 küm February 2 nü pai Naga linük tenzükba wadang nung dena liasü aser pa tasünü tashi pai linük junga tenzükogo, ta kasa sangdong nung shia lir.
“Pai Naga linük junga tenzükba atema pa tenüng Naga nunger putiotsü nung züngoktsü aser pai inyakba mapatem tajungji ajaki bilemtettsü. Iba dak alia pai Naga linük tenzükba atema Longvibu, Naga Army office-i pa nem Major rank agütsür,” ta kasa sangdong nung shia lir.
“Iba ama mangyim jashi mapang nung GPRN-i mangyimer kibong züngsemtem den mangyim jashi lemsateper aser Tsüngremi asür tanela tesünep nung anisüngzükdakjang ta sarasademtsür,” ta MIP sangdong ajangasa metetdaktsü.