Mkg College of Teacher Edu. nung Red Ribbon Club tenzük

Mokokchung, Mongputeni/ October 11 (TYO): October 11, 2019 nü Mokokchung College of Teacher Education, Yimyu, Mokokchung nung Red Ribbon Club (RRC) tasen tenzükba sentong agiogo; iba sentong ta MCTE aser Nagaland State AIDS Control Society nati senteper ayongzük, ta ketdangsertem osang ka ajanga metetdaktsü.
Iba sentong nung jembidang CMO Mokokchung, Dr. T. Chubala Aier-i college nung tesayurtem-kaketshirtem dang azü tenlaba ajanga taküm kümzüktsü ajungshi.
Joint Director IEC NSACS, Metevinuo Sakhrie-i HIV/AIDS, state nung HIV jenjang aser HIV & AIDS (Prevention & Control) Act 2017 nung aliba ozüngtem indang metetdakja liasü.
Sentong nungsa AD MM i/c YA NSACS, Chongkoi Khaming-i ‘RRC guidelines & activities’ indang jembi.
Tajungshi o jembidang MCTE Principal, T. Alemla Longkumer-i kaketshirtem-tesayurtem dang school kaketshirtem junga anitetba khuret junga agitsü aser parnok dang HIV/AIDS tesayuba agütsüba den azü tenlaba koda tongtibang, iba indangji lemsateptsü metetdaktsü.
Mokokchung Voluntary Blood Donors Association Tir, Molu Jamir-ia azü tenlaba onük jembia liasü.
Iba sentong ya E. Arhomo Kikon leniba nung agi, Temsutoshi Longkumer (BA 3 rd Sem MCTE)-i sarasadem, Dr. Temsurenla Vice Principal MCTE-i lokti pelaa agizükba o jembi aser Asst. Prof MCTE, Imlimenla Jamir-i tepela anküp o jembia liasü.
Red Ribbon Club tenzükba sentong nung nisung 105 shilem agia aden, iba sülen azü tenlaba camp agia nisung 19-i azü tenla agütsüogo.
Tanü iba club tenzükba züngsem state kübok district 11 nung aliba college/shisaliok reju 68 nung Red Ribbon Club programme agir.