State Finance Dept.-i sangdonger

Kohima, Mongputeni/October 11 (TYO): Finance Department-i sangdong ka ajanga, Nagaland Goods and Services Tax Act, 2017 (4 of 2017) kübok Section 44 nung sub-section (1) (tang nungi iba Act ta ajatsü) ajanga Input Service Distributor dak alaka register süa aliba nisung, shibai section 51 mesüra section 52 kübok saru agütsür, saru meshitsüla aser state nung malir saru meshitsüla puri financial year shia December 31 mesüra iba anogo matongdang electronically annual returns metetdaktsütsüla, ta metetdaktsü.
“Iba Act nung section 44 kübok sub-section(1) nung shia aliba ama Financial year shia electronically annual returns metetdaktsüba nung saru agütsürtemi technical timtem kar ajurur, aser ibaji ajanga 1st July, 2017 nungi 31st March, 2018 tashi annual returns ji registered nisungtemi magütsüteter, ibayongji iba section kübok ozüng kar nung timtem ajangshir,” ta parnokisa metetdaktsü.
Item timtem paidoktsü atema Council-i benokba nung ajemdaker state sorkari item tetuyuba agütsüogo:-
1. Short title.-Iba tetuyuba dang Nagaland Goods and Services Tax (Seventh Removal of Difficulties) Order, 2019 ta ajatsü.
2. Nagaland Goods and Services Tax Act, 2017 section 44 nung, züngya, ojang aser olong- “31st August, 2019” aliba agi züngya, ojang aser olong “30th November, 2019” ta melena amshitsü.