Naga People’s Front General Convention agitsü ayonger

Dimapur, Mongputeni/October 15 (TYO): Party Constitution Article V Clause 3 kübok pa nem agüja aliba tashi amshia Naga People’s Front tir Dr. Shürhozelie Liezietsu-i August 7, 2019 nü NPF Central Office, Kohima nung Central Executive Council (CEC) senden ka ayongzükogo.
Iba CEC senden ya tir-i NPF Constitution Article IV section (3) clause (c), sub-clause (i) dak ajemdaker ayong.
August 7 nü CEC senden nung resolution ka agizükogo aser iba ajanga tir nem General Convention ayongtsü asoshi tashi agütsüogo.
Article V Clause 3 aser August 7 nü senden nung lemtetba dak ajemdaker Naga People’s Front tir-i Naga People’s Front (NPF) General Convention November 22, 2019 nü Capital Convention Centre, Kohima, Nagaland nung 11:00 ako nungi tenzüka agitsü ayongogo.
General Convention nung benoka jembitsüba onüktem rongnung; party dak sendakba nung ken o balala sensak asemtsü, 2020-2024 tenure atema NPF party ketdangpur tasen nominate/elect asütsü densema lir. Maneni General Convention nung Party Active Members tem dang adentsü melatsü, ta Secretary General, NPF & MP (RS) K. G. Kenye-i sangdong ka ajanga metetdaktsüogo.