Nungtugo nisung ?

~ S. Nuken Longkumer, Naga United, Dimapur.

Hon’ble Prime Minister Modi ya jangratemtsü taküm, Modi ya temulung tulu, Ochishir taküm sensakertem meimba taküm ka lir! pa ya M.Gandhi metsü ama lir! India lima nung liner tajung aika lia aruogo! Saka item ajak dak Modi-bai tajungba inyaktetogo! Aser jembitetogo! Mr. Modi ama India lima nisung 10 shi alinungbo tesüngmangtsü ka asütsü, aser alima ajungai India lima ya tsübua belemtsü! Tsüngrem akümtsübura yamaji ajungketsü! Saka Khristan anema mapa tamajung kar inyaktsü sendong yanglura par chuba menden arishia malitsü! Tamangba yemsü anema shiangai mapa tamajung meinyaktsüla! India lima asoshi Mr. Modi ya tongtipang taküm ka asütsü! saka tenük meremerbo aiak alitsü! taoba mapang asen liner aser mezüng Chief Minister P. Shilu Ao ya tekolok chiraba dang masü saka sendong tajung aika pa dak liasü! kechiba raksa? Mr. Modi ya majung asübo tanü tanaben meyipa pa mendeni marutetla? Saka 303 tashi par teloki jenjang tajung tongketogo?
Tebur tashi ya onsara tulu! alima yimli ajak, laodaktsütsü tashi lir, ya Tsüngrem sendong nung yanglu, Alokba den parkipong raksatsü lia la süipeti alinung tsü ibaji Alokbai angu, iba mapang pa temulungjang ajak raksa, Alokba taküm idakji tempang!! Tetsür taküm ama sen ya onsara senti lir, taküm yangludak lemang tulutiba! Mr. Modi tamangba yimsü nung shianga anema mejembir, sensaker yarinürba nükla tulu lir! meimchir dang asü nung karbosa mabensa alitsü akok! Shiangaia tabensaba matonger! Nungsenbo alitsü jembitsüsa, ya temenen meimchir lima! Tajung inyaker aikabo mali, tanü alima nung shiarama asen meimchir nem agütsüogo ta belemer?
Anungji Tsüngrem O ya ochi lir, anungji asenoki inyakba ajak kibongtem aser alimaji ochi nung tempangtsü? Tsüngrem O anemer asohi lendong tulu lir, tanü India lima nung Khristan anema liner kari inyakra! Mr. Morarji Desai Govt. laoba ama asütsü? Aser pa taküm lendongpang tulu nungi jembu? Jorhat anasa India Air nung lendong atalok! saka takümbo kümzük! Mr. Desai khristan anema inyak! Anungji khristan anemerbo lendong lir? alima aika nung khristan anemer mesen aser sung agi taküm aika tepsetogo? Sayatenya inyakogo? Tangbo BJP Govt. tanaben aruogo, Naga lima asoshi kechi inyakts! Modi Govt. alidang Naga lima asoshi mapa tajung inyaktsütsü asen dak ajemalua tila küma alitsüla ibaji maparen ajak nung sendaka lir, asükümer taküm ajaki toktsür! Tatem nung Prime Minister Modi taküm arishia yutsüang ta sarasademtsü, pa liner kupok Naga lima tepur tajungba yanglutsütsü rongsen agi yaritsü Naga nunger tamang tulu lir. Amen.
N.B:- India lima nung BJP telok tarudaktsü ta sarasademba khristan purtem shir telok liasü, parnok takümji Tsüngrem anema inyakertem asütsü! Tsüngrem sendong memeteti jembiba, inyakbaji amajok tamanger ka ama! Belemdanga aonungbo item nupur jagi alima anitsü, aser tiyazü ainker chilu inyak ya alitsü südi? parnok jagi sarasadembo talanglang agiya alitsü! khristan takümbo ajak asoshi sarasademtsü tim? Party kar anemabo tarudaktsü ta par telok to tamakok ajurudakjang ta tiyazü sarasadem jagi alima raksadaktsür! Iba ama tangatetba indokang? Iba mapa ajanga khristantem ya mainer ama belemteter? Kanga junga shisadanger-ang ola adokkang ashiba ya tiyazü masü! Kentena lai zünga molumi aotsü khristan taküm aika lir! tiyazü ainkar aika kümogo? Item sang nung maputsü BJP telok aser khristantem kümdangshia atatsü ayongzüker khristan kümdanga jaja-ang lendong lir.