Centre-i CAB atema jembitsüla: Conrad Sangma

Shillong, October 17 (Agencies): Centre-i sendaka alir ajak den asüngdangya sülen ang Parliament nung Citizenship Amendment Bill benoktsüla ta Meghalaya Chief Minister, Conrad Sangma-i ashi.
“Parliament nung bill mebenokdang political party aser NGO den asüngdangyatsüla” ta Conrad-i tanü osangbener den jembidang ashi.
Tawa tu Union Home Minister, Amit Shah-i Guwahati semdangdang Northeast nung Chief Minister tem den iba onük jembia liasü. Idangji pai telok aser state balalai CAB atema tebilemba lemsatepbatem jungjunga agizüktsü aser North East state tem sema nübortem den iba onük jembitsü ta shiogo, ta Conrad-isa metetdaktsü.
Union Home Minister-i tawa Mizoram semdangba tu iba atema liasü südi, ta paisa shisem.
Union Home Minister Amit Shah-i Parliament session tasen amendang CAB benoktsü ta metetdaktsüba sülen northeast ajungalen nübortemi lungkak aityonga arur.