Nagaland team-i Mumbai makok

Dimapur, Mongputeni/October 18 (TYO): Women Senior T20 asayamung nung Nagaland aser Mumbai na asaya Mumbai-i run 115 agi kokogo.
Asaya nung Mumbai team mezüng bat asü aser parnoki over 20 nung wicket 3 out ser run 161 yanglua liasü.
Parnok rongnungi Vrushali-i run 46 aser Sayali-i run 40 yanglu.
Nagaland team nungi Rakhi-i wicket ka agi aser Nazma o Pankul natia wicket kaka agia liasü.
Run arishiba mapang Nagaland team-i over 20 nung asayar 6 out ser run 46 dang yangluteta asaya makok.
Parnok rongnungi Madhumonti-i run 19, Nazam-i run 12 aser Sentilemla-i run 12 yanglu.
Mumbai asoshi Saniya-i wicket 2 agia liasü.
Nagaland team taruba asaya October 20 nü Mumbai nung Karnataka den asayatsü.