Kiphire nung GBs den Mediation Techniques seminar agi

Kiphire, Mongputeni/October 23 (TYO): October 23, 2019 nü Kiphire District Legal Services Authority-i GBs court building, Kiphre town nung Legal Seminar ka ayongzüka agiogo, ta ketdangsertem osang ka ajanga metetdaktsü.
Iba sentong nung shisalen sayur anaji N Kano, Secretary & Chief Judicial Magistrate aser Hotingkiu, Retainer Lawyer na liasü.
Iba sentong nung jembidang CJM, N Kano-i, tiyongtsüi ia inyakba ya voluntary inyakyim ka lir, kong third party kati tongtibang shilem agir, ta ashi.
Paisa züngsemtem dang ken otem tekaraba nung bentettsü atema mediation shilem agitsü ajungshia liasü.
Kasa sentong nung Hotingkiu Retainer Lawyer-i District Legal Services Authority teinyaktsü mapatem indang metetdaktsü aser züngsemtem dang angati legal teyari agitsü metetdaktsü.
Iba sentong nung GBs 31 den Kiphire District Legal Services Authority züngsemtem aden.