DNSU-i lenmang yanglushitsü mapang latettsür

Dimapur, October 28 (TYO): Dimapur kübok Railgate auto parking nungi Old flyer over traffic point tsüngda gari lenmang kanga mejungi yangluba aitsür ta Dimapur Naga Students’ Union (DNSU)-i tanü sangdong ka nung metetdaktsüogo.
Iba lenmang yangluba sülen anogo ana-asem ka tsüngda nung raksadok aser iba atema kanga aoksar. Anungji, iba sangdong agütsüba nungi tenzüker anogo 15 tsüngda bangdakpur/contractor-i mapa shitak inyaktsü mapang latettsür. Iba tetuyuba tashi mangara, DNSU-i kechi junger ta bilemdir inyaktsü, ta DNSU Media Cell-i metetdaktsüogo.