PDA-i JLF bangzüng pusemer

Dimapur, October 28 (TYO): October 28, 2019 nü State Banquet Hall nung People’s Democratic Alliance (PDA) MLA tem aser lennirtem senden ka amen.
Senden nung mendenji Convenor Chingwang Konyak aser Co-convenor Temjen Imna Along na liasü aser Naga Yimten Tebilemtsü onük benoka lemsatep.
PDA-i Indo-Naga yimten tebilemtsü yakta angatetteptsü aser ajak dena nübortemi agizüktetba telemtetba ka agitsü temepishiba maneni agütsür ta parnoki metetdaktsü.
PDA-i Naga Yimten Tebilemtsü atema tangatetba nungi mepilai noktaka lir. PDA-i teti nübortem taginüba agizüker aser maneni nübortem tangatetba akhümtsübutsü, ta metetdaktsü.
August 7, 2019 nü Joint Legislators Forum-i bangzüng renemba nung PDA züngsemtemi pusema nungittsü ta tanü telemtetba agi.