PDCSU-i Cooperative Movement Week amongtsü

Kohima, October 30 (TYO): Phek District Cooperative Societies Union (PDCSU)-i November 14 nungi November 19 tashi Phek district kübok shilem lemsar Cooperative Movement Week amongtsü, ta President PDCSU Kekhwengulo Lea-i sangdong ka nung metetdaktsü.
Society tem terenlok atema basic education aser training agütsütsü iba denji külemi Cooperative Societies indang programs aser sentongtem metetdaktsütsü nükjidong nung iba sentong akar, ta paisa metetdaktsü.
Observation program ji 14th November nü Meluri Area, 15 November nü Phek /Tizu Area, 16 Nov nü Chozuba Area aser 19 Nov nü Pfutsero/Chokri/Chizami/Razeba/Centre Chakhesang Area nung agitsü.
Registered Cooperative societies PDCSU ajaki peipei tesem nung training observation program nung adentsü metetdaktsür, ta kasa sangdong nung shia lir.