ZUF-i Centre den ceasefire tenangzüktep agir

New Delhi, October 30 (Agencies): Mongulbarnü Zeliangrong United Front (ZUF)-i New Delhi nung Naga peace talks interlocutor aser Nagaland governor RN Ravi den ceasefire tenangzüktep ka nung sign süogo.
ZUF ya 2011 küm tenteta liasü saka parnok loksaogo aser N Kitovi Zhimomi-i aniba GPRN/NSCN nung aden.
“Zeliangrong nunger civil society tsüngdang GPRN/NSCN aser ZUF tsüngdang olemtep aiben lia aruba sülen ZUF-i Naga nunger tarutsü ajungtsü mechi nung GPRN/NSCN nung telok loksar aser iba nung adentsü” ta ZUF-i ashi.
October 26, 2019 nü parnok chairman Raitu Chawang aser vice chairman S Kamson den GPRN/NSCN ato kilonser N Kitovi Zhimomi aser Special envoy to collective, GPRN/NSCN Alezo Venuh nungertemi sign asüba sangdong ka nung iba ya shia lir.
“October 26, 2019 anogo nung Zeliangrong United Front mali akümer” ta sangdong nungjisa shia lir.