WC, NNPG-i Naga wako aser temzüng indang osang jangjatsür

Dimapur, October 30 (TYO): WC aser India sorkar tsüngda Naga wako aser temzüng atema angatettepogo, ta Media Cell WC, NNPG-i metetdaktsü.
November 17, 2017 nü “Agreed Position” nung Wako aser Temzüng dena lir aser ibaji India sorkari meteta lir. Ajisüaka, taoba mapang India sorkar wako aser temzüng atema tebilemba metetdaktsüogo, ta Media Cell sangdong nung shia lir.
Tatembang tenangzüktep agiba nung Naga Wako aser Temzüng ya ‘prime symbolic issues’ ta züluoktsü aser iba atema maneni jembitsü, ta parnokisa ashi.