NSCN (IM)-i pusemertem dang pelar

Dimapur, November 1 (TYO): Nagalim ajungalen aliba kija, arogo, forum, mungdang, telok, national worker, prayer center/group, civil society temi tanen makai sarasemtsüba atema kanga pelar ta National Socialist Council of Nagalim (NSCN)-i metetdaktsüogo.
“Chief negotiator Th. Muivah-i den delegate members-i NSCN tenüng nung ajak dang pelaba metetdaktsür” ta Ministry of Information and Publicity (MIP) sangdong ka nung ashi.
“Tsüngremi nenok sarasadem langzüogo ta parnoki meteta lir aser tang parnoki tatembang telemtetba ka agitsü atema mapa shitak inyaktettsü” ta MIP-isa ashi.
“Küm 22 tashi Indo-Naga yimjung olemtep tiptema tembangtettsü atema nenoki maneni sarasadem agi nungitang” ta parnokisa metetdaktsü.
“Tangar ajak dang alia, NSCN negotiating team-i Nagaland Joint Christian Forum (NJCF) aser Nagaland Baptist Church Council (NBCC) teloktemi tanirtem shilem agiba atema kanga pelar” ta MIP-isa ashi.