Ozüngji Tenang -T. Ken 119:49-56

Ken atenba tanur tain ajaki anganer. Choiri atenba, teloki atenba ken, kati atenba ken, anati atenba ken, pezüi atenba ken, tetsür ola, tebur ola- ken tener telok balala aika lemsa atener. Saka Tenüngsang Ken 119:54 nung ken züluri ozüng atenba indang zülu: “Kü temeshi aeni aoba kidang ne telatet ozüngtem kü ken lir.” Ken züluri ashir, “Ne ozüng ni atentsü.”
Iba tekongi taküm tsütsü tangatetba balala asem indang ashir. Tanur ka dangi, takümji tepuokdak ka mesüka lir, kecha maka, saka tzüzüng ozüngdang. “Ibai teinyak. Ibaji teinyak. Iba jagi tuo.” Asenoki tanurji kümdangdaktsütsüla, idangji dang parnok tain kümer parnok sasa parnok taküm lia otettsü. Lanurtem ya taküm nung telok ka lir. Parnoki ozüng maginer. “Kü dang ya teshi,” ta parnoki ashir. Parnoki kentemji dang aginer. Saka kodang asenok tain kümdir, takümji tepuokdak ka masü mesüra telok masü ta angatetter.
Ibai aeni aoba ka lir. Asenoki Tsüngrem O nung tashi angaa iba aeni aoba ya jajar. Laishiba leniba maten asübo iba taküm tepiyong ya kü taküm kong lila ni meshitet. Tsüngremer O ji khuret ka masü; ibai temoatsü ka lir. Kodang nai takümji Tsüngremi mulungba nem agütsüdir mapaji jangratemtsü ka asütsü.
Tsüngrem nungi pilar takümji telok ka dang mekümdaktsüli. Ne takümji aenlen jajar ka ta angajemang, aser iba lima nung aener ka ama aodang, na Laishiba leniba nüngdak ta angatettang.
Tanü na aenlen jajadang timtem ajurur asü ? Tain tangatetbaji agiang- Tsüngremi mulungba nem agüjang aser Pa O tesayuba bushiang. Ibai metenra nai ne lemang samatsü.