Changtongya Departmental Co-ordenation forum senden menogo

Dimapur, Yimpoksüi/November 6 (TYO): Changtonya jila nung November 6 nü Changtongya Sub-Division kübok Sub-Divisional Departmental Co-ordenation forum senden menogo. Iba senden ya SDO(C) Moakumzuk Tzudir lenisüba kübok SDO(C) Changtongya office nung menogo. Senden nung Er. Wapang J. E-i P. W. D (R&B) Changtongya Town kübok lenmang yanglutsü asoshi mulunga agizükba house nem metetdaktsü.
1. National Highway-SDO (C) Office black toping.
2. National Highway-Treasure Office P. C. C, 2019-2020 küm atema.
Senior Medical Officer (SMO) Community Health Center (CHC) Dr. Jungshi-i 2018-2020 küm atema Nagaland Health Project kübok CHC Changtongya nung terenlok maparen balala agizükba indang senden nung dena alirtem nem metetdaktsü.
1. Solar Panal Install asütsüba.
2. Rain Water Harvesting.
3. Waste Management.
Forum nung züngsem tasen S. D. E. O Limasangba-i Scheme balala kübok S. D. E. O Changtongya-i achaayanga maparen balala inyakba indang metetdaktsü.
Senden tatemi mendenbubai Offices nung tekolaktem ajak dang pei tata tesemtem nungi masetshi lia Sub-Division terenlok asoshi inyaktsü ayongzük. Paisa, SDDCF senden ya kati ka tajungtiba metetteptsü aser teka amteper inyakyonga aotsü asoshi ayongzüka akar ta ashi, ta APRO Changtongya sangdong ka ajanga metetdaktsü.