Mon hospital nung angati medical eye camp agi

Mon, Nov. 06 (TYO): District Hospital, Mon nung tanü agi asemnübuba angati Medical Eye Camp nung nisung 600 dak tema tenük reprangja liasü aser parnok rongnungi nisung 40 dak tema angati cataract surgery agi, ta ketdangsertem osang ka ajanga metetdaktsü.
Mercy Eye Centre, Dimapur nungi Dr. John Harvey, Dr. Chingkup na leniba nung Medical Ministry International nungi doctor 14 den nurse anati camp nung yaritepdar.
Eye Camp ya Konyak Baptist Bumeinok Bangjum (KBBB)-i Mercy Eye Centre, Dimapur; Medical Ministry International; Nagaland Blindness Prevention Control Society, Govt. of Nagaland; District Administration, Mon; Office of the Chief Medical Officer, Mon aser Office of the Medical Superintendent, District Hospital, Mon-i senteper ayongzüka November 2 nungi tenzüka November 15, 2019 tashi District Hospital, Mon nung agitsü.
Nov. 4, 2019 nü sentong tatsüka ayongzüka agi aser iba sentong nungji Mon Deputy Commissioner, Thavaseelan K, IAS-i jembia liasü. Iba sentong ya Convenor, Medical Eye Camp, Naomi Konyak leniba nung agi aser Executive Secretary in charge KBBB, Peihwang Wangsa-i lokti pelaa agizükba o jembia liasü.