Mochitzü dang nungi tanangba – T.Ken 119: 97-104.

Shingai mochitzüji tanang masü ta meshitettsü, saka mochitzü dang nungi tanangba Tsüngrem O ji lir: “Kü tebang dang Ne O koda tanang, mochitzü dang nungi ibai tanangba lir” (t. 103).
Tsüngrem O ji ne tebang dang ninang mochitzü ama asü mozü ama lir ? Asenoki Laishibaji taneptsü mozü ama agitsü mapang ka lir. Saka Laishibaji mozü dang nungi taoba lir.Nai Tsüngrem O jangraba jagi na tanaben asoba taküm ka ta kuli asür, kechiaser Laishiba tanela asoshi chiyongtsü lir.Yobi ashi, ” Pa bang nungi kazükba o tem ni kodanga mendok; kü chiyongtsü dang nungi talisa ni Pa O rizüngogo” ( Yob 23: 12).Yeremiai ashi. ” Ne O tem angu aser ni itemji achi aser kü mulung asoshi jangratemtsü ka lir” ( Yr. 15: 16).Yisui ashi, ” Nisungi am tesa agi taküm malir, saka Tsüngrem bang nungi adokba o shia agi taküm alir” (Matt. 4: 4).Peteri asenok dang ajungshir, ” Nenok tekümtet dangi aitsü asoshi tanela mamatzü temeja asoshi jangraang” ( 1Pet. 2: 2).
Kodang shirangdir, techinüba melenshir – chinüa mejangrar.Yamaji temeneni asenok taküm nung tanela chiyongtsü mejangrai kümdaktsür.Asenoki tanga kakettem züngaka teti Tsüngrem o tanangji azüngtsü jangratsüla. Mezüngbuba Laishibaji azüngdang taku ama züngtettsü akaok, saka ibaji tanang agi melentsür.
Chiyongtsü tajung agi ne tanela mesütsüji tongtipang lir.Nai Tsüngrem o agi ne tanela mesür asü masü? Laishibaji shirnoki meimer parnok asoshi aji tanang lir. Iba tesayuba nung alitsü angazükang.