Imphal nung bomb lendong atalok, shinga meyiru

Imphal, September 19 (Agencies): Honibar anepdang Imphal nung tapoktsü ka kanga sashia apok saka tang tashi nung iba apokba ajanga yiruba osang kecha mali, ta police-i metetdaktsüogo.
Iba tapoktsüji Improvised Explosive Device (IED) asütsü ta temulung melemi bilemer. Tapoktsü ya Manipur, Imphal anülulen district nung aliba Moirangkhom Sougaijam Leirak tesem nung taoba mapang SSB züngsem ka kima gate anasa apok, ta police-isa ashi.
Iba lendong ya shibai mesüra shir teloki-ar ano tang tashi nung mejangjateti lir aser telok shingaia tenüng magi.
Tapoktsü ya kechiba pokdaktsürar ano meputet ta ashiba mapang, police-i iba dak sentakba nung bushisüngdangdar ta metetdaktsüogo.