Nagaland Police Narcotics Cell-i opium seret 82.5 apu

Kohima, November 13 (TYO): Nagaland Police Narcotics Cell-i Khuzama Check point nung Opium ta ajaba temesepba mozü seret 82.5 den nisung ana puogo, ta osang ka ajanga metetdaktsü.
Narcotics sepaitemi Assam Registration Fortuner gari ka soter mita reprangdang taseptsü 78 nung opium liasü, aser ibaji gari tesülen menden aser spare tyre ana nung miima liasü, ta kasa osang ajanga metetdaktsü.
Gari nung alisang anaprong den gari aser mozüji police ket nung lir aser ken o ka benoka maneni bushisüngdangdar.