Assam & Nagaland nung menoknok 2 anok

Guwahati, November 13 (Agencies): Bodbarnü Assam aser Nagaland nung menoknok ana tashi anok. Tanü anüngdang 1:10 ako meta mezüngbuba menoknokji Assam nung anok.
Iba menoknok indang tashiji Richter scale asadangba nung 4.7 liasü aser menoknok anokba tiyongtsüji Karbi Anglong district kübok Diphu nung liasü.
Ano, tanü nikongtsütsü 6:40 meta Nagaland nunga Richter scale nung 4.7 asadangtetba
Iba menoknok indang tiyongtsüji Dimapur nungi kilometer 52 shi pilar liasü aser Dimapur, Kohima den Assam kübok tesem kar nung anokshi.
Iba osang zülu tashi nung menoknoktem ajanga nisung taküm asüba, yiruyibongba mesüra teraksa anguba osang kecha mali.