Dimapur Task Force team kati New Market mita ao

Dimapur, Yimpoksüi/November 15, 2019 (TYO): Plastic yangkhu amshitsü nokdangba nung ajemdaker Dimapur Task Force team kati November 14, 2019 Brehostibarnü Nyamo Lotha Road sendaka aser New Market temsem mita senzüa liasü, ta DPRO sangdong ka ajanga metetdaktsü.
EAC Sadar, Dimapur-i anir DMC aser Police nungi representative aser New Market indang GBs temi mita ao. EAC-i ashiba agi, iba tesem mita aoba mapang tenokdangba agütsüba plastic seret 120 shi ngutetta liasü.
Iba maparen dak sendakba nung ajemdaker District Task Force-i dokan tem/shishilembartem dang tenokdangba plastic alizüka ayutsü mesüra amshitsü asoshi tekümdangtsü agütsü aser iba denji külemi mapang shia osang kecha memetetdaktsüi mita arutsü asoshi metetdakja liasü.
Maneni, EAC-isa, tenokdangba plastic amshiba nung aibelenertem dang senchi tulu chia aser trade license tashi meshizüka ayutsü, ta metetdaktsüogo.