Alongkima nung aluyimer training agi

Dimapur, Yimpoksüi/November 18 (TYO): Mokokchung district kübok Alongkima jila nung 15/11/2019 nü TSP programme kübok ICAR-AICRP, Linseed, NU: SASRD, Medziphema centre-i aluyimertem training sentong ka ayongzüka katsüogo.
Iba training sentong nung Alongkima headquarters kübok yimtsüng balala nungi aluyimer 63 dena liasü. Sentong nung aluyimertem nem Medicinal & Nutritional importance aser Linseed cultivation Production technology indang Professor L. Tongpang Longkumer, Project Incharge, ICAR-AICRP, Linseed, NU: SASRD, Medziphema centre-i training agütsü. Professor L Tongpang ya shisalen agütsürtem rongnung tongtiba liasü.
Pai ashiba agi, Alima ajunga nung aluyimertm atema Linseed ya kanga nüngtugu kümogo kechiyong iba ya mozü aser industry tsütsü amshitsü lenamang sadema lapoka lir. Sentong tatemi aluyimertem nem local hadir balala aser metsüjangnatsü agüja liasü, ta ketdangser sangdong ajanga metetdaktsü.