Kohima nung Artists’ Corner ayongzüktsü

Dimapur, Yimpoksüi/November 18, 2019 (TYO): December 1 nungi tenzüka December 10, 2019 nü tashi Kohima nung agitsü aliba Hornbill Festival sentong den külemi Department of Art and Culture-i Artists’ Corner ayongzüktsütsü ternemba lir, ta DIPR sangdong ka ajanga metetdakja liasü.
Local artists indang wadang nungittsü aser ajungkettsütsü nükjidong nung iba Artists’ Corner sentong ayongzüktsür, kong süng agi yangluba Art works aser demonstrative Art tem sayutsü.
Iba sentong nung shilem agitsü tejangrar artists temi pei yangluba oset timba agia asem tashi Directorate of Art & Culture (Art Wing) nung office mapang November 25, 2019 nü tashi nungbo tongtsütsü asoshi taoba sangdong ajanga metetdakja liasü.
Iba dak sendakba nung osang tejangja metetnüra, Art Wing Ph no. 9856071776 den tongtepratepang, ta kasa sangdong ajanga metetdaktsüogo.