Football referee tatidang agitsü

Dimapur, Yimpoksüi/November 19 (TYO): Peren District Referees’ Association (PDRA)-i sangdong ka ajanga football asayatsü jangrartem aser football referee akümtsü jangrartem ajak dang Peren District atema November 30, 2019 nü football referee tatidang agitsü ta metetaktsüogo.
Form benoktsü atema tatembangbuba anogoji November 29 nü mesera iba madongdang asütsü. Tatidang nung shilem agitsü jangrartem arishi küm 23 nungi 35 tsüngda asütsüla aser class 10 bo sa ajanger alitsüla (graduate tem nem maongka tali agütsütsü).
Anungji temalen shisema aliba criteria küboki aitertem ajak dang teküboklen agüja aliba address aser contact number nungi application agizüktsü metetdaktsür. Item nisung tem ket nungi application agizüktettsü; Keheinam-8731899849 Jalukie Town; Ngimhang Shop-9436607578 Peren Town aser Arai Pame-9436635825 Tening Town, ta DPRO Peren sangdong ka ajanga metetdaktsü.