ESA Warriors & United CC semi-i iogo

Man of the match Md. Afzal Hussain den NBCK Finance Secretary Mr. Benjamin Zou tangokba noksa nung angur.

Kohima, Yimpoksüi/November 19 (TYO): Defending champions Esa Warriors aser United Cricket Club na tang asayaa aliba Silver Cup semi-final-i iogo. Iba asyamung ya Nepali Baptist Church Kohima-i ayongzüka Jakhama Local Ground nung tang asayadaki.
Tanü mezüngbuba quarter final asaya nung Esa Warriors-i wicket 7 agi Kohima Hornbills kokogo.
Toss akokba sülen Kohima Hornbills puri mezüng bat asütsü shim aser parnoki over 20 nung asayar ajak out ser run 101 dang yanglutet. Parnok rongnungi Imo-i run timba yanglu. Pai run 33 yanglua liasü.
Run arishiba mapang Esa Warriors puri over 14.3 nung asayar asem out ser Hornbills puri yanglua aliba run menep. Parnok rongnungi Kalyan-i run 53 aser Deepak-i run 30 yanglu.
Mezüngbuba asaya nung Esa Warriors nungi asayar Hanilong-i run 19 agütsür wicket 4 agiba sülen pa nem Man of the match award agütsü.
Quarter Final asaya tanabuba nung United CC-i run 36 agi Valour CC madak takok angu.
Mezüng bat asütsü shimba sülen United CC pur over 18.1 nung asayar ajak out asü. Parnoki run 137 yanglu. Md. Afzal Hussain-i parnok rongnungi run timba yanglu. Pai run 70 yangluteta liasü. Valour CC bowler Santosh-i wicket 3 agi aser Sudama o Sunil nati wicket kaka agi.
Ajisüaka asaya tanabuba shilem nung Valour CC puri over 19.1 nung asayar ajak out ser run 102 dang yangluteta parnoki asaya makok. Parnok rongnungi Bappa-i run 27 yanglu.
United CC bowlers Amitava Das-i wicket 3 agi. United CC nungi asayar Md.Afzal Hussain nem man of the match award agütsü.
November 20 nü asaya yamai alitsü:
T Khel Model Village vs Silver Backs @ 8am
Diphu XI vs Mokokchung United @ 12 Noon