Kiphire nung senden amen

Dimapur, Yimpoksüi/November 20 (TYO): Kiphire district Administration den district officers temi November 21 nü agitsü aliba mock drill on emergency exercise dak sendakba nung table top exercise aser lepa reprangshiba senden ka ayonga menogo. Iba senden ya November 20 nü DC’s conference hall nung DC Kiphire, Sarita Yadav IAS lenisüba kübok mena liasü.
Lai senden nung dena aliba züngsemtem dang parnok mapa aser khuret metetdaktsü aser parnok dang pei nem lemzüktsüba maparen temulung agüja inyaktsü ashi.
ADC Kiphire, Reny Wilfred, IAS-i, disaster management dak sendakba nung nübur timba nem koda osang agütsütsü, iba indang lemsatep. SP Kiphire, Amit Nigam, IPS-ia lendongtsüdong atalokba mapang temzüng ozüng koda benshitsü, iba indang metetdaktsü, ta DPRO Kiphire sangdong ka ajanga metetdaktsü.