Nov 22-23 nung ‘Inside a woman’s heart’ conference agitsü

Dimapur, Yimpoksüi/November 20 (TYO): Sinai Ministry indang WINGS-i küm shia tetsür atema ayongzükba conference November 22-23 anogotem nung Lighthouse Church, DC Court junction (Opposite NU), Dimapur nung agitsü, ta Bodhbarnü WINGS Dimapur sangdong ajanga metetdaktsü.
Iba conference ya ‘Inside a woman’s heart’ omen nung agitsü aser arishi küm 18 ser temapur tetsür ajaki adentsü akok. Taküm iba sentong nung shisalen sayurtemji Kingdom Culture Church Pastor, Kevi Z Kevichusa aser Clinical Psychologist, CIHSR, Dimapur, Imlibenla Mongro na asütsü. Iba dak alia kibong mekümi alir tetsürtem aser kibong kümer alir tetsürtem atema ‘women & mental health’ temeja session akatsü.
Nov. 22 nü mezüngbuba sentongji nikongdang 4:00 ako nung tenzüktsü aser Nov. 23 anepdang 10:00 ako nungi tenzüktsü.
Iba sentong nung adentsü atema registration ji sen 300 asütsü, ajisüaka kaketshirtem dangbo shilem 50 atoktsü. Sentong agiba tesem nunga November 22, 2019 nü registration agitsü akok, ta parnokisa metetdaktsü.
Jelia registration agitsü aser metetpelatsü atema @ +91 90890-70917 mesüra +91 8729-809005 dangi message yoktsü mesüra call asütsü akok.
Tetsürtem aser tanurtem atema inyakba den külemi Tsüngrem temeim angatetdaktsütsü nükjidong nung Sinai Ministry, Nagaland nungi tetsür züngsemtemi WINGS (Women In God’s Service) ya tenteta liasü.