Dimapur DC-i DLMC den senden ka ayonga amen

Dimapur, Yimpoksüi/November 20 (TYO): Bodhbarnü DC conference hall nung Dimapur Deputy Commissioner, Anoop Kinchi, IAS-i ayongzüka District Level Monitoring Committee (DLMC) Dimapur den senden ka mena Biomedical waste Management atema o lemtepogo, ta ketdangsertem osang ka ajanga metetdaktsü.
Dimapur DC ya DLMC Dimapur nunga Chairman lir aser iba senden nung pai züngsemtem dang committee-i Biomedical management atema asalentong ka yanglutsü nüngdak, ta metetdaktsü.
Tim department ajaki lipoküm dak sendakba nung jana tejok anepalua indoktsü atema asalentong yanglutsüla, ta shia pai Medical, Urban & Pollution Control Board dang senden ka ayongzüka mener lemzüktsüba tesemtem nung Biomedical jana junga indoktsü atema asalentong yanglutsü metetdaktsü.