Korea Masters: Srikanth & Verma tanabuba round-i iogo

Gwangju, Yimpoksüi/November 20 (Agencies): Bodhbarnü Korea Masters tebur kija asaya nung Kidambi Srikanth aser Sameer Verma nati pei tata asaya koka asayamung kanga junga tenzükogo.
Seed trokbuba nung alisang Srikanth-i mezüngbuba round nung Hong Kong nunger asayar Wong Wing Ki Vincent 21-18 21-17 agi minute 37buba nung koka liasü.
Taoba world no.1 Srikanth-i tang tashi nung Hong Kong nunger asayar ya 11 ben kokogo. Pa taruba asaya Japan nunger asayar Kanta Tsuneyama den asayatsü jangjaogo.
Kasa mapang nung Sameer Verma-a tanabuba round-i iogo. Mezüngbuba round asaya nung Japan nunger asayar Kazumasa Sakai temang nung timtem adoka masayatetba sülen Verma nem takok agütsü. Asaya nung point 11-8 ta Verma tejakdang ser asayaa aliba mapang Kazumasa masayatettsüsa aküm.
Ajisüaka India nunger asayar Sourabh Verma 21-13 12-21 13-21 agi Korea nunger asayar Kim Donghun-i kokogo.
Sameer tanabuba round nung Donghun den asayatsü.