CAKYO-i PAC nem tenüngsang agütsür

Dimapur, November 20 (TYO): Naga yimten teloktem aser state sorkar department temi ozüngi memelaba tax saruba anendaktsütsü merangba atema Chakhro Angami Kuda Youth Organisation (CAKYO)-i Public Action Committee (PAC) dang pelaba metetdaktsü.
“Sorkar ka, Saru ka” ta asüba bangzüng nung CAKYO noktaka lir aser PAC pusema nungiter, ta parnoki sangdong ka nung metetdaktsü.
Maneni, Naga Council Dimapur (NCD)-i tashishitsü melii mapa inyaktsü mepishir. NNPGs-i PAC Convener aser Co-Convener amokmerenba sülen NCD aser WC, NNPGs tsüngda angatettepogo ta sangdong agütsübaji teratatsüka lir, ta CAKYO-isa ashi.
NCD ya PAC den noktaka lir asü mesüra NNPGs-i akhi ama tax sarutsü atema tenangzüktep agia ali’ar mejangja. Kin hohotemi mulungtepa, temelenshi angutsü teimla tasen yur PAC nem mapa inyakdaktsüba nung ajaki yariteptsüla, ta parnokisa metetdaktsü.