Angh-i Prof Alexander asüba mangyimer

Kohima, Yimpoksüi/November 21 (TYO): Nagaland Angh aser Visitor, ICFAI University Nagaland, RN Ravi-i ICFAI University Nagaland, Vice- Chancellor, Prof CP Alexander November 21, 2019 nü ‘stroke’ süa Dimapur nung asüba osang angashia aoksar aser mangyimer, ta PRO to Governor sangdong ka nung metetdaktsü.
Angh-i, “Asür Prof CP Alexander ya nüngtugu shisashir ka liasü, aser administrative tsütsü aika ajangshia inyakdangba tesayur ka liasü; pa ajanga iba University kanga renlokogo. Pa asüba ya Academic Fraternity atema takoksa tulu aser pa asüba ajanga tapok tulu paatsüogo,” ta ashi.
Angh, Ravi-isa manghyimer kibong züngsemtem den mangyim lemsatepba den külemi iba ama mangyim jashi mapang nung par kibong züngsemtem nem tesüneptsüba tanela agüjang ta sarasademtsür, ta kasa sangdong nung shia lir.