District asem nung light marutsü

Mokokchung, Yimpoksüi/November 21 (TYO): 66KV Mokokchung-Tuli Transmission line nung single tension disc insulator aliba agi double tension polymer insulator melentsü atema November 22, 2019 anepdang 6:00 ako nungi anepdang 10:00 ako tashi ligh power magütsütsü; ibayongji Mokokchung Transmission Division kübok district asem nung Electricity consumers- Mon, Longleng aser Mokokchung district kübok Changtongya & Tuli area nung nüburtem dang timtem arema amaliteptsü mepishir, ta tanü S.D.O.(Trans) Mokokchung Transmission Division-i sangdong ka nung metetdaktsü.