Nagaland nung tetsür ka asüba atema sen lakh 25 temenok agütsütsü tuyu

Guwahati, November 21 (Agencies): Tawa Gauhati High Court Kohima Bench-i Nagaland Health & Family Welfare department dang, medical facilities peria maliba ajanga Nagaland nung tetsür ka tanur asodang asüba atema lar kibong nem temenok sen lakh 25 agüjang, ta tuyuogo.
Iba tatalokba ya 2016 küm atalok; asür, Bemang ya state tezülen Mon district kübok Myanmar arrtsülen aliba yimtsüng ka nungi liasü.
Monyakshu health sub-centre nung sorkar indang maternal health scheme junga benoka meinyakba ajanga la asü, ta tai tongloktsüogo. Iba heatlh sub-centre yagi yimtsüng nung alir nütsüng 6,500 shi ayimjemer.
November 15, 2019 nü iba ken o nung obendang agütsüdang Justice, Songkhupchung Serto-i, “Asür kibong loktilitba-rongsenkettsüng jenjang asadangba den iba ken o nung tatalokbatem asadanger tatishitsü agitsüsa respondents dang temenok sen lakh 25 agüjang ta tuyutsüji tim, iba denji külemi legal inyakyim mapang senotsü indokba atema temenok sen 15,000 agüjang,” ta metetdaktsü.
Human Rights Law Network (HRLN) Nagaland unit-i iba tatalokba bushisüngdang ser iba ken o ya okadak benoktsü asoshi lar kinungertem den yaritepa liasü.
Tanur asoba mapang timtem adoka Bemang asü. Lar yimtsüng nungi kilometer 130 pilar aliba hospital kati anir aodang iba ya ataloka liasü.