Cuadrado Juventus nungi 2022 küm tashi asayatsü

Milan, Yimpoksüi/November 22 (Agencies): Colombia nunger international asayar Juan Cuadrado-i Juventus nungi ano küm ana asayatsü atema tenangzüktepa yangluogo. Pa Serie A champions Juventus nungi 2022 küm tashi asayatsü, ta club sangdong ka ajanga metetdaktsü.
Arishi küm 31 tain winger ya 2015 küm Chelsea nungi loan nung Juventus nung oa aden aser küm ana lir euro million 20 agi Juvi puri pa alizük.
Juventus nungi asayaba mapang Cuadrado-i Serie A title pezü, Italian Cup asem aser Italian SuperCup ka kokteta lir. Pai tang tashi nung asaya 151 nung goal 15 idakja lir.
Iba season nungbo defender tem yiruba ajanga Maurizio Sarri-i asaya timba nung Cuadrado ya full-back ka ama asayadakja arudar.
Colombia nunger asayar ya mapang timba ka Italy nung asayaa arudar. Pa Chelsea-i mao tsüngda Udinese, Lecce aser Fiorentina nungi asayaogo. 2015 küm pa Chelsea nungi asayaba mapang Premier League dena koktetogo.