Peren District Badminton asayamung tenzükogo

Dimapur, Yimpoksüi/November 22 (TYO): 6buba Peren District Inter Departmental Badminton Tournament Novembr 22 nü Indoor Badminton Stadium, Jalukie Town nung tenzükogo.
Asayamung lapokba sentong nung o jembiba mapang DC Peren, Sentiwapang Aier (NCS)-i ashiba agi, inter departmental asayamung ajanga department ajak metetpelatsü asoshi maongka agütsür. Paisa asayamung shilem agiba team ajak dang asayr yimya tajungtiba benshia asayatsü ayongzük.
Asayamung lapokba sentong Organizing Committee Convenor & EAC Jalukie, C. Wangan (NCS) lenisüba kübok agi, ta ketdangser sangdong ajanga metetdaktsü.