Dimapur, Yimpoksüi/November 22 (TYO): 3buba Chakhesang Baptist Church Ministers’ Hill Kohima (CBCMHK) Men Fellowship Sports Meet 2019, Hokolbarnü Indira Gandhi (IG) Stadium) Kohima nung takok nung tembangogo.
Football final asaya nung Chandmari/PWD/Town Area FC-i goal 2-0 agi AG Prayer Fellowship FC madak takok angu. Asaya nung goal anaprongla ya Swuro-i idakja liasü.
Arr atsütepba final asaya nung Lower Forest Colony-i, Lerie Sector Church koka kümnabuba iba asaya kokogo.
Kasa mapang nung asayamung shibangba sentong nung CBCMHK Associate Pastor, Thujoneyi Veswu alakteta jaoker liasü aser pai tenüngsang agütsüba sarasadem agi.
Men Fellowship mendenbuba Vehusa-i asayamung takok temoatsü nung tembangba atema tulusang Tsüngrem tenüng asangba den asayamung nung shilem agir ajaka dang pelaba lemsatep.
Maneni Men Fellowship-i züngsem ajak dang November 24 nü Men Annual Day nung arua dena Tsüngrem temoatsü agitsü mepeshia metetdaktsü.
CBCMHK Men Fellowship Sports Meet tembangogo added by nungsang on
View all posts by nungsang →
You must be logged in to post a comment Login