DC Mon-i senden ayongzük

Dimapur, Yimpoksüi/November 22, 2019 (Agencies): Mon district nung Molulem (Amur Falcon) shikariba, sang agi apuba, tepsetba aser ayokba nokdangtsü mechi Deputy Commissioner, Mon, Thavaseelan K, IAS-i November 22, 2019 nü DC Conference Hall nung senden ka ayongzüka olemtep agia liasü, ta sangdong ka ajanga metetdaktsü.
Molulem shikariba anendaktsütsü asoshi Administration, Police, Village Council, Village Guard aser Forest Department nungi joint task force ka tentettsüogo.
Iba senden nung, Superintendent of Police, Mon, Divisional Forest Officer, Mon, SDO (C) Sadar, SDO (C) Phomching den Tangnyu, Tuimei, Totok Chingnyu, Totok Chingkho, Totok Chingha, Totok Chinglen, Totok Omlen aser Nyahnyu nungi Village Council Chairman aser Village Council Member, Longshen aser Phomching nungi Head GB ten aruagi dena liasü, ta kasa sangdong ajanga metetdaktsüogo.