Nagaland nung Constitution Day amongtsü

Dimapur, November 22 (TYO): November 26, 2019 nü Nagaland nung Constitution Day ayonga amongtsü aser iba asoshi küm piyong atema “Constitution and Fundamental Duties” indang campaign ka tenzüktsü.
Iba sentong ya Capital Convention Centre, Kohima nung agitsü aser Justice & Law, C.M Chang-i tongti tesemdanger ama shilem agitsü.
Sentong nung Chief Secretary Temjen Toy, IAS-i okila jembitsü, Secretary Justice & Law, Khanrinla T. Koza-i tesentepertem pela agizüktsü aser Senior Advocate Additional General, Kakheto Sema-i Constitution indang onük jembitsü.
Department balala nungi tekolakpurtem shimteta state level committee kati küm piyong agiyonga aotsüba sentong renemtsü. Iba committee nung chairman ji Principal Secretary, Justice & Law/ Medical, R. Ramakrishnan aser member secretary ji Secretary judicial, Nino Iralu shimogo.