MCCI-i shishilembartem dang sangdonger

Mokokchung, Yimpoksüi/November 22 (TYO): Benjung mongpu atongba nung ajemdaker Hokolbarnü MCCI-i sangdong ka ajanga Mokokchung nung shishilembartem nem tetuyuba kar agütsüogo.
Tesüiba küm aika ozüng ama benshia aruba ama maneni shishilembartemi firecrackers alizüktsü, shibelentsü, rizüngtsü aser ayoktsü memelar; aibelenertem nem temerenshi tulu agütsütsü; iba dak alia jila nung ward balala nung ketdangsertemia pei kiyong nung firecrackers ayokba nokdangtsüla, ta MCCI sangdong nung shia lir.
“Iba dak alia market nung nija mesüra teloki calendar den raffle, lottery, concert, buffet ama ticket ayokba aser donation senzüba memelar. Anungji item amaji ajangshira MCCI lenirtem nem metetdaktsütsü asoshi shishilembartem dang tuyur,” ta parnokisa metetdaktsüogo.
Iba dak alia MCCI-i benjung mongpu nung ajemdaker shishilembaba tesem nung benjung sobutsü inoktsü mepishia metetdaktsü.