Japukong Kaketshir Mongdang-i sangdonger

Mokokchung, November 25 (TYO): Japukong jurisdiction nung tesayur temelen inyakdaktsüba osang Japukong Kaktshir Telongjem Mongdang (JKM) office nem metetdaktsüogo, ta JKM Tir, Imnawapang aser tongti tezülur, Temjentoshi Longchar nati sangdong ka ajanga metetdaktsü.
Iba dak sendakba nung November 16, 2019 nü executive council senden ka menogo, aser maneni academic küm 2020 nungi iba (proxy tesayur inyakdaktsüba ) ama ozüngi memelaba inyakyim nokdangtsü atema bangjemshiogo, ta kasa sangdong nung shia lir.
Kaketshirtem jenjang ajungtsü nükjidong nung JKM office-i Japukong kübok tesayurtem, school, SMCs, SMTCs aser village councils dang tesayur temelen inyakdaktsüba maparen nokdangba nung JKM den amalitepa yariteptsü mepishia metetdaktsür, ta JKM ketdangpurtemisa metetdaktsü.
Tesayur temelen inyakdaktsüba putetra temerenshi alitsü, ta JKM-isa metetdaktsü.