Dimapur nung aonung 9:00 ako tashi dokan lapoktsü

Dimapur, November 25 (TYO): Dimapur Chamber of Commerce and Industry (DCCI)-i Dimapur nung alirtem dang benjung salem metetdaktsüba den shishilembar nem tetuyuba kar agütsü.
Benjung mapang tonga arurji dokan aser shishilembadak ajak aonung 9:00 ako tashi lapoktsü tetuyuba agütsür aser December 1, 2019 tashi nung dokantem nung Khristmas decoration enoktsüla, ta DCCI-i sangdong ka nung ashi.
Taoba mapang inyaka aruba ama taküm-a best Decorated shops ta ser sempettem agütsütsü. Dokan tulu telemsa nung mezüng sempet angur nem Rs. 10,000, tanabuba angur nem Rs. 5,000 aser tasembuba angur nem Rs. 3,000 senpettem agütsütsü. Maneni, doka tila telemsa nem Rs. 5000, Rs. 3000 aser Rs. 1.500 senpettem agütsütsü, ta President Akashe Zhimomi-i sangdong nung shia lir.
DCCI-isa Dimapur traffic police dang benjung mapang traffic timtem ajemdaktsütsü atema 5th mile, Zoological, Thahekhu nungi Dhobinalla lenmanglen garitem senzüdaktsütsü atema mapa inyaktsü mepishia metetdaktsüogo.